Peyvənd olunmuş şəxslərə “Muğanbank”dan hədiyyə

Dünya ölkələri ilə yanaşı Azərbaycanda da əhalinin həyat və sağlamlığının qorunmasını təmin etmək məqsədilə koronavirus (COVID-19) pandemiyasına qarşı profilaktik və təxirəsalınmaz tədbirlər operativ şəkildə həyata keçirilir.
Pandemiyanın bitməsinə nail olmaq üçün hal-hazırda yeganə üsül COVİD-19 əleyhinə vaksinasiyadan keçməkdir. Bildiyiniz kimi, hazırda Azərbaycan Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi (TƏBİB) əhalinin peyvəndlənməsi istiqamətində birgə fəaliyyət göstərir. “Muğanbank” adıçəkilən qurumlara dəstək vermək məqsədilə yeni kampaniyaya start verib.
Belə ki, COVİD-19 infeksiyasına qarşı peyvəndin 2-ci dozasını qəbul etmiş şəxslər Muğanbankdan “Mastercard Debit” kartını pulsuz əldə edə bilərlər. Kampaniya cari ilin avqust ayının 31-dək qüvvədədir.
Azərbaycan maliyyə-bank sektorunun tanınmış qurumlarından biri olan “Muğanbank” 1992-ci ildə fəaliyyətə başlamışdır. Hal-hazırda Bankın ölkə ərazisində 23 filialı və 10 şöbəsi, həmçinin Moskva şəhərindəki nümayəndəliyi hər növ bank məhsulları üzrə keyfiyyətli xidmət göstərir. “Muğanbank” ASC ABŞ Beynəlxalq İnkişaf Agentliyi (USAID), ICBC Bank – Industrial and Commercial Bank of China təşəbbüsü ilə yaradılan “Belt and Road Bankers Roundtable Mechanism” (BRBR – “Bir Kəmər-Bir Yol” Banklarının Dəyirmi Masası), Avropa Yenidənqurma və İnkişaf Bankı (EBRD), Beynəlxalq Maliyyə Korporasiyası (IFC), ABŞ-ın WorldBusiness Capital (WBC) investisiya fondu, Xarici Özəl İnvestisiyalar Korporasiyası (OPIC), Özəl Sektorun İnkişafı üzrə İslam Korporasiyası (ICD), İnkişaf üçün Yaşıl Fond (GGF), Cənub-Şərqi Avropa üzrə Avropa Fondu (EFSE), Almaniya Əmanət Banklarının Beynəlxalq Əməkdaşlıq Fondu (SBFIC) kimi beynəlxalq iqtisadi qurumlarla əməkdaşlıq edir.

  ДРУГИЕ НОВОСТИ РАЗДЕЛА